Juventusi që ka humbur të gjitha gjasat për të hyrë në Champions League, tashmë ka nisur luftën që të gjejë përforcime adekuate për kampionatin e ri në Serie A. Ata janë duke planifikuar një mega-shkëmbim me Arsenalin. "Zonja e Vjetër” pritet të ofrojë Felipe Melon & Buffon në këmbim me Fabregas & Robin van Persie. Për portierin e dëshmuar Buffon janë të interesuar një varg skuadrat të njohura, si Arsenal, Chelsea, Manchester City, Manchester United etj. Buffon dhe Melo në Arsenal, me Fabregas dhe van Persie ose Bacary Sagna tek Juventus, është plani që është duke u thurrur në Torino. Në fakt, sjellja e Fabregasit te "Zonja e Vjetër” do të jetë punë e zorshme, pasi që Juventusi nuk do të jetë pjesëmarrës në Champions League. Mirëpo, këto zhvillime interesante që zhvillohen tashmë në mes skuadrave pritet të shihet se a do të konkretizohen me kalime në ditët e ardhshme apo do të mbesin vetëm spekulime.
Kapiteni i Romës, Francesco Totti, i bie pishman për atë gjest që e ka bërë në ndeshjen finale të kupës së Italisë në përballje me Interin. Ai thotë se ka bërë gabim që kishte goditur Mario Balotellin, kësisoj edhe ka kërkuar falje. "Është e vërtetë, kam bërë gabim.
Trajneri i Interit, Jose Mourinho ka përsëritur se një ditë do të dëshironte të kthehet në Angli, por tha se kjo sigurisht nuk do të ndodhë sezonin e ardhshëm.Ish-trajneri i Chelseat, pas fitimit të mbrëmshëm të Kupës së Italisë me ekipin e tij, Interin, tha se i mungojnë emocionet e Premier Leagues angleze."Tre vjet kam jetuar në Angli dhe e di se një ditë sigurisht do të kthehem atje. Kur? Këtë nuk e di askush. A do të ndodhë sezonin e ardhshëm? Nuk besoj, por një ditë me siguri do të kthehem”, tha Mourinho pas fitores së Interit kundër Romës me rezultat 1:0.
