Sipas zërave të fundit që vijnë nga Spanja, asi i Barcelonës dhe ai i Realit, mund t’i bashkohen Chelseat sezonin e ardhshëm.Ish-braziliani i Milanit, Kaka prej disa ndeshjesh rresht nuk po grumbullohet nga trajneri Pelegrini, i cili preferon hollandezin Van Der Vart në vend të Kakasë. Gjatë stërvitjes së fundit, braziliani pati sërish probleme me pulpën, çka mund të sjellë mos grumbullim edhe për ndeshjen e radhës në kampionat me Atletikon e Madridit.Pak a shumë të njëjtin fat e ka edhe Zlatan Ibrahimovic, i cili megjithëse zhbllokoi rezultatin në sfidën me Osasunën (2:0 për Barcelonën), vazhdon të përdoret si alternativë e dytë nga trajneri Pep Guardiola. Kujtojmë kartonin e kuq në përballjen me Almerian tre javë më parë dhe nisjen nga stoli të ndeshjes me Stuttgartin në Ligën e Kampionëve.
Në këtë pikë, mediat spanjolle nuk vonojnë të lëshojnë "bombën” e radhës: Kaka dhe Ibrahimovic sezonin e ardhshëm do të veshin fanellën blu të Chelseat.