Main » 2010»June»25 » Lampard: Ndeshja kundër Gjermanisë do të jetë një spektakël
1:12 PM
Lampard: Ndeshja kundër Gjermanisë do të jetë një spektakël
Ndeshja më interesante e fazës së dytë në Botërorin e Afrikës së Jugut pa dyshim pritet të jetë ajo ndërmjet Anglisë dhe Gjermanisë, skuadra këto të cilat para fillimit të kampionatit llogariteshin në mesin e favoriteve.Asnjëra prej dy kombëtareve nuk është kualifikuar me lehtësi në 1/8 e finales, por tash vetëm njëra prej tyre do të arrijë të kalojë në çerekfinale, fazë të cilën të dyja palët e kanë parashikuar si të arritshme para nismës së Botërorit. "Çdo ndeshje është e veçantë dhe e vështirë, por ajo kundër Gjermanisë gjithmonë është një spektakël në vete. Si ne, ashtu edhe ata këto ndeshje të ndërsjella i luajmë me zemër dhe pasion”, ka thënë mesfushori anglez, Frank Lampard, duke shtuar: "Më nuk ka kundërshtar të lehtë apo të vështirë. Secila skuadër që e ka kaluar fazën e parë është e rrezikshme. Por, nëse luajmë në mënyrën se si kemi luajtur ndaj Sllovenisë dhe të jemi paksa më të mirë në finalizimin e aksioneve, atëherë nuk kemi arsye për t’iu frikësuar askujt. Mund të fitojmë çdo skuadër nëse tregojmë formën e duhur, por mund të humbim ndaj çdo kujt nëse nuk jemi në nivelin e duhur. Mendoj se ky rregull vlen për të gjitha skuadrat. Që nga faza e 1/8 së finales harrohet gjithçka. Ky është një turne i ri”.
