Zëvendëspresidenti i Milanit, Adriano Galliani, ka bërë të ditur se trajneri Leonardo dhe sulmuesi Alexandre Pato nuk do të largohen nga klubi në përfundim të sezonit. Këtë e ka thënë Galliani për gazetën italiane "Gazzetta dello Sport". Pato është duke u kërkuar nga Real Madridi e Chelsea, ndërsa Leonardo është duke u kërkuar nga Përfaqësuesja e Brazilit. "Pato së fundi ka vazhduar kontratën e tij deri në vitin 2014 dhe do të mbetet, sikurse do të mbetet edhe Leonardo", ka thënë Galliani.