Massimo Moratti është kthyer në njeriun më të lumtur në botë, pas kualifikimit mëse të merituar të Interit në Champions League, ndaj skuadrës së Chelsea.Dy fitore në po kaq ndeshje ndaj londinezëve kanë bërë presidentin që të ngrejë në piedestal trajnerin."Mourinho? Një mbi të gjithë trajnerët e tjerë. Ai pati kurajo në zgjedhjet që ka bërë këto ditë dhe ka gjetur më së miri formacionin fitues ndaj Chelsea. Skuadra luajti mirë dhe kishim mbroijtës fantastikë” tha Moratti. "Trajneri bëri atë që duhej të bënte dhe meriton një Bravo të madhe. Rruga drejt finales është shumë e gjatë por duhet të them që kemi një pikënisje të mirë, karakterin e fortë të skuadrës dhe personalitetin” tha Moratti.