Pas një mungese të gjatë (prej 21 marsit) si pasojë e dëmtimit, braziliani kuqezi është i gatshëm për transfertën me Xhenovan, ku mund të aktivizohet nga stoli.

20-vjeçari është stërvitur normalisht së bashku me pjesën tjetër të grupit dhe pritet të jetë i gatshëm nën urdhrat e Leonardos. Por nëse gjendja fizike është në rregull, ka disa paqartësi lidhur me të ardhmen e tij. Agjenti i lojtarit, Veloz, deklaroi para disa ditës: "Pato do të qëndrojë me siguri te Milani? Nuk e di, ky është një problem i klubit. Pyesni Galianin”.Administratori i deleguar i kuqezinjve gjithmonë ka siguruar tifozët e Milanit se Pato do të qëndrojë në "San Siro”. Megjithatë, në pjatë vazhdon të qëndrojë oferta e Çelsit, që prej merkatos së verës së kaluar, kur Ançeloti e kërkoi për ta marrë me vete në "Stamford Bridge”.