Trajneri portugez e ka përjashtuar mundësinë që të paktën në një të ardhme të afërt, të ulet në krye të stolit të Milanit.

"Pas Ibrahimoviçit edhe unë te Milani? Vështirë, e dua shumë Interin”. Me këto fjalë të thëna për "Mediaset Premium”, Hoze Mourinjo e ka përjashtuar mundësinë që të marrë drejtimin e kuqezinjve. Të paktën në një të ardhme të afërt.

Më pas vijoi: "Është e vërtetë, në futboll kurrë mos thuaj kurrë. Por kam qenë kundërshtar i Milanit më parë, gjithnjë me respekt të madh. E dua shumë Interin për të menduar se mund të ndodhë diçka e tillë”.

Në fund, një batutë për Serinë A: "Interi e ka nisur me barazim, por më pas ka fituar dhe rezultatet e ndeshjeve të tjera kanë qenë të favorshme për zikaltrit. Duhet të shikohet gjithnjë në fund”.