Main » 2010»June»22 » Franca dhe Afrika e Jugut në kërkim të mrekullisë
11:24 AM
Franca dhe Afrika e Jugut në kërkim të mrekullisë
Afrika e Jugut përballet me Francën që gjithashtu është në kërkim të mrekullisë për kualifikim në fazën e dytë. Të dy ekipet kanë nga një pikë dhe fati nuk ndodhet në duart e asnjërës skuadër, pasi në rast të barazimit në ndeshjen tjetër të grupit Meksikë - Uruguai, atëherë këto dy të fundit do të shkonin tutje pa marrë parasysh rezultatin e ndeshjes Francë - Afrikë e Jugut.Franca po kalon nëpër një krizë të vërtetë. Nicolas Anelka është përjashtuar pasi ka fyer Raymond Domenechun, ndërsa futbollistët të dielën kanë bojkotuar stërvitjet në shenjë proteste për këtë vendim.Afrika e Jugut po kërkon të shmangë eliminimin, pasi do të jetë ekipi i parë organizator që do të largohej nga Botërori pas fazës grupore. Trajneri Carlos Alberto Parreira ka premtuar fitore dhe gjithashtu ka kërkuar përkrahje të madhe nga tifozët e Afrikës së Jugut me "vuvuzelat" e tyre.Andre-Pierre Gignac ose Thierry Henry pritet ta zëvendësojë Anelkën, ndërsa Domenech do të jetë edhe pa mesfushorin e suspenduar Jeremy Toulalan. Portieri i dytë i Afrikës së Jugut, Moeneeb Josephs, do ta zëvendësojë Itumeleng Khunen e suspenduar. I dëmtuar te jugafrikanët është edhe mesfushori Kagisho Dikgacoi.
