Futbollistët e Nigerisë do të shpërblehen
me nga 30 mijë dollarë secili, nëse e mposhtin të mërkurën Korenë e
Jugut dhe kualifikohen në raundin e dytë të Botërorit 2010.Para fillimit
të këtij kompeticioni, secilit futbollist i ishin premtuar nga 10 mijë
euro për çdo fitore, por "The Eagles” nuk e kanë gjetur ende fitoren në
Afrikën e Jugut, pasi pësuan humbje nga Argjentina dhe Greqia.Sidoqoftë,
vetëm për t’i motivuar futbollistët që ta mposhtin Korenë, Federata e
Futbollit e Nigerisë u ka premtuar atyre që t’ua paguajë 30 mijë dollarë
në ndeshjen e tyre vendimtare.
Sipas La Gazzeta dello Sport, Real Madridi është duke shpresuar në finalizimin e marrëveshjes për mbrojtësin më të mirë të krahut të djathtë në botë, Maicon. Spekulimet e fundit nga Italia thonë se presidenti i Realit, Florentino Perez, ka biseduar nëpërmjet telefonit me homologun e tij Massimo Moratti, ku dhe besohet se është arritur marrëveshja. Perez ka ofruar rritje të ofertës në 28 milionë euro, por Moratti kërkon edhe dy milionë të tjera. Sipas kësaj gazete, Maicon do të bëhet lojtar i Realit brenda 48 orëve të ardhshme.
Ylli argjentinas Lionel Messi në ndeshjen e sotme kundër Greqisë do të mbaj shiritin e kapitenit. Leo Messi kështu do të bëhet kapiteni më i ri në historinë e futbollit argjentinas me 23 vjec jo të plota (më 24 qershor Messi feston ditëlindjen e 23). Në këtë ndeshje Messi zëvendëson kapitenin e parë Havier Maskerano i cili mori një pushim të merituar nga ana e trajnerit Maradona
Për sulmuesin e Spanjës, David Villa mund të pësojë një ndëshkim për veprimet e tij në ndeshjen me Hondurasin. David Villa në një moment goditi futbollistin kundërshtar Emilio Isagire, mirëpo një gjë e tillë mbeti pa u vënë re nga ana e arbitrit, Juiçi Nishimura."Nëse është e nevojshme, Komisioni Disiplinor do të hetojë incidentin dhe do të vendos në rast se do të dënohet apo jo Villa” - tha në një intervistë për mediat zëdhënësi i FIFA-s, Peka Odriosola. Goditja e Viljas pa top ndaj futbollistit kundërshtar kërcënon atë me një dënim.
Trajneri i Argjentinës, duke u përpjekur të qëndrojë me këmbë në tokë rreth formës së mirë të skuadrës së tij, këmbëngul se Brazili është ende një favorit i rëndësishëm, për të fituar Kupën e Botës."Nuk jemi dhe nuk duam të jemi kandidatë apo favoritë për trofeun, kemi ardhur në Afrikë të Jugut për të luajtur futboll”, tha Diego Maradona për skuadrën e tij.Duke folur sërish për Brazilin, Maradona deklaroi se ky ekip mund të mos shkëlqejë apo të luajë mirë, por rëndësi ka që i fiton ndeshjet.
Për
Diego Armando Maradonën nuk ka më "Dorë e Zotit", siç ndodhi në
gjysmëfinalen e famshme ndaj Anglisë në vitin 1986. Duke folur në
konferencën e djeshme për shtyp, në prag të ndeshjes së sotme ndaj
Greqisë, tekniku argjentinas ka komentuar deklaratën e Luis Fabianos, i
cili e quajti "Dora e Zotit" golin e dytë të shënuar ndaj Bregut të
Fildishtë dy net më parë. "Nuk ishte Dora e Zotit, por vetëm krahu i
tij, - ia preu shkurt Maradona. - Ishte e qartë prekja e tij me krah,
madje më duket se e kapi dy herë. Por, pas golit m'u duk tragjikomike
sjellja e gjyqtarit të ndeshjes, francezit Stefan Lanua. Kur unë shënova
golin tim në vitin 1986 e mbaj mend shumë mirë fytyrën e arbitrit.
Ishte gjithë dyshime. Shikonte nga tifozët, nga arbitri anësor, sepse
atëherë nuk kishte arbitër të katërt. Donte një indicje. Ndërsa ky i
djeshmi qeshte, që do të thotë se e kishte pa
... Read more »
Afrika e Jugut përballet me Francën që gjithashtu është në kërkim të mrekullisë për kualifikim në fazën e dytë. Të dy ekipet kanë nga një pikë dhe fati nuk ndodhet në duart e asnjërës skuadër, pasi në rast të barazimit në ndeshjen tjetër të grupit Meksikë - Uruguai, atëherë këto dy të fundit do të shkonin tutje pa marrë parasysh rezultatin e ndeshjes Francë - Afrikë e Jugut.Franca po kalon nëpër një krizë të vërtetë. Nicolas Anelka është përjashtuar pasi ka fyer Raymond Domenechun, ndërsa futbollistët të dielën kanë bojkotuar stërvitjet në shenjë proteste për këtë vendim.Afrika e Jugut po kërkon të shmangë eliminimin, pasi do të jetë ekipi i parë organizator që do të largohej nga Botërori pas fazës grupore. Trajneri Carlos Alberto Parreira ka premtuar fitore dhe gjithashtu ka kërkuar përkrahje të madhe nga tifozët e Afrikës së Jugut me "vuvuzelat" e tyre.Andre-Pierre Gignac ose Thierry Henry pritet ta
... Read more »
Edhe pse aktualisht Milito ndodhet i angazhuar me kombëtaren e Argjentinës në kupën e Botës që po zhvillohet në Afrikë të Jugut, menaxheri i sulmuesit ka nisur lëvizjet për të ardhmen e tij."Milito ka ende edhe 3 vjet kontratë me Interin, është i kënaqur në Milano dhe dëshiron ta mbyllë karrierën këtu. Shpresojmë që Interi të rivlerësojë kontratën e tij përmes vlerës aktuale të lojtarit”, u shpreh menaxheri, Fernando Hidalgo.
Milani pritet të nënshkruajë sot me portierin e Genoas, Marco Amelia, bëjnë të ditur mediat italiane.Amelia dhe përfaqësuesit e tij janë takuar dje me zyrtarë të Milanit dhe kanë darkuar me zëvendëspresidentin Adriano Galliani.Portieri me përvojë pritet të nënshkruajë sot gjatë ditës kontratë me Milanin.
Mediat spanjolle kanë raportuar se Zlatan Ibrahimoviç dëshiron t’i bashkohet Milanit dhe është i gatshëm të refuzojë ofertat nga Premierliga.Sulmuesi i Barcelonës nuk është përshtatur siç pritej në Nou Camp pas transferimit nga Inter gjatë verës së vitit të kaluar.Sipas të përditshmes sportive katalane, El Mundo Deportivo, suedezi dëshiron të largohet nga Barcelona për t’iu shmangur konkurrencës së përforcimit të ri, David Villa.
Leite Kaka ka ftuar kapitenin e Liverpoolit, Steven Gerrard të vijë në Real Madrid. Braziliani 28 vjeç ka vlerësuar lart yllin anglez dhe ka thënë se ai ka aftësi për të qenë futbollist i gjigantit madrilen. "Ai është njëri prej vetëm disa futbollistëve në botë që kanë aftësi të jenë futbollistë të Real Madridit”, tha Kaka për Daily Star Sunday.
Ylli spanjoll David Silva ka theksuar se mirëpret transferimin në Chelsea nga Valencia. Mesfushori 24 vjeç kërkohet nga disa prej klubeve më të mëdha evropiane, duke përfshirë Real Madridin, Barcelonën dhe Manchester Unitedin, mirëpo Silva duket se preferon Chelsean."Në pesë vitet e kaluara, Chelsea është bërë njëri prej klubeve më të mira në Evropë. Ata mund të mos kenë historinë e Real Madridit ose Milanit, por janë duke krijuar historinë e tyre tani.
