Trajneri i Barcelonës, Pep Guardiola, kërkon vetëm lojë sulmuese ndaj skuadrës së Arsenalit. Guardiola ka thënë troç: "O fitore, o humbje”. Sipas tij, Barcelona kërkon titullin e dytë më radhë dhe i ka të gjitha mundësitë reale të bëjë një gjë të tillë. "Që kur e kam marrë detyrën, loja jonë është karakterizuar nga futbolli i guximshëm, sulmues. Është një filozofi e futbollit. Fitore ose humbje, dua që ne të tregojmë se kush jemi dhe në çfarë futbolli besojmë. Dua që ekipi im të dalë në fushë dhe të jetë vetvetja. Njerëzit bëjnë sakrifica të mëdha me qëllim që të shkojnë të shohin një ndeshje futbolli. Prandaj për mua e gjitha ka kuptim, përpjekja, planifikimi, përqendrimi dhe disiplina”, tha Guardiola.