Ylli argjentinas i Barcelonës dhe futbollisti më i mirë në botë, Lionel
Messi, është lojtari më i shtrenjtë, bazuar në të dhënat e faqes së
specializuar për transferime "Transfermarkt.de". Messi, sipas kësaj
faqeje, peshon 80 milionë euro, ndërsa menjëherë pas tij vjen portugezi i
Real Madridit, Cristiano Ronaldo. Ronaldo ndonëse verën e kaluar në
Real Madrid kaloi për shumë rekorde prej 94 milionë eurosh, ai sipas
"transfermarkt.de" vlen "vetëm" 75 milionë euro.I treti në listën e futbollistëve më të shtrenjtë është mesfushori
spanjoll i Barcelonës, Xavi Hernandez (60 milionë). Sa ai ka vlerën
edhe spanjolli i tjetër i Barcelonës, Andres Iniesta, dhe mesfushori
brazilian i Realit, Leite Ricardo Kaka.Në të vërtetë, Përfaqësuesja e Spanjës kryeson në listën e më të
shtrenjtave. Nga dhjetë futbollistët më të shtrenjtë katër janë
spanjollë. Po ashtu edhe Kampionati Spanjoll prin dukshëm në
renditje pasi ka pesë lojtarët më të shtrenjtë në
botë. Barcelona është skuadra më e shtrenjtë në botë me vlerë prej 514
milionë eurosh.
Dhjetë futbollistët më të shtrenjtë:
1. Lionel Messi (Barcelona) 80 mil. euro
2. Cristiano Ronaldo (R. Madrid) 75 milionë
3. Xavi Hernandez (Barcelona) 60 milionë
4. Andres Iniesta (Barcelona) 60 milionë
5. Kaka (R. Madrid) 60 milionë
6. Cesc Fabregas (Arsenal) 53 milionë
7. Wayne Rooney (Man. Utd) 53 milionë
8. Fernando Torres (Liverpool) 50 milionë
9. Steven Gerrard (Liverpool) 50 milionë
10. Franck Ribery (Bayern M.) 50 milionë
