Drejtuesit e skuadrës së Milanit po bëjnë gati ofertën për shërbimet e
mbrojtësit të Real Madridit, spanjollit Sergio Ramos, shkruan të
mërkurën gazeta spanjolle "AS". Sipas gazetës, skuadra e Milanit së
shpejti do të futet në negociata, pasi synon që Ramosin 23-vjeçar ta
transferojë në fund të këtij edicioni. Ramos ka kontratë me Realin deri
në vitin 2013, ndërsa më herët ka refuzuar rinovimin pasi kërkon pagë
vjetore prej gjashtë milionë eurosh.
