Sulmuesi i Interit, Diego Milito, është i bindur se skuadra e tij do ta mposhtë Barcelonën në gjysmëfinalen e Ligës së Kampionëve.Ndeshja e parë luhet në stadiumin "Giuseppe Meazza" më 20 prill, ndërsa ajo e kthimit pas një jave në stadiumin "Camp Nou". "Interi është skuadër e madhe dhe tashmë një kohë të gjatë i ka munguar suksesi në Ligën e Kampionëve, të cilin duam ta kthejmë. Nuk do të jetë aspak lehtë, por ne jemi të destinuar për të mposhtur skuadrën e Barcelonën dhe të shkojmë në finale", është shprehur argjentinasi Milito.
