Në kuadër të Kampionatit Botëror "Afrika e Jugut 2010”, sot në kuadër të
grupit G takohen Portugalia dhe Koreja Veriore (13.30) në Kejptaun,
ndeshje kjo që pritet të përcaktojë edhe skuadrën e dytë nga grupi që do
të sigurojë kalimin në të tetën e finales. Kurse në grupin H
zhvillohen dy ndeshje, Kili dhe Zvicra (16.00) në Port Elizabet dhe
Spanja-Hondurasi (21.30) në Johanesburg.
Mesfushori Arien Roben i ka humbur dy takimet e para që kombëtarja e Holandës i fitoi kundër Danimarkës dhe Japonisë, për shkak të lëndimit të pësuar muaj më parë.Rikthimi i tij, sipas trajnerit holandez Bert van Marvik, varet nga vetë mesfushori ofensiv."Unë mendoj se ai duhet të marrë një vendim, sepse ai e di se a ka dhimbje apo jo. Se a do të luajë në ndeshjen e ardhshme kundër Kamerunit apo në fazën tjetër, për këtë duhet të vendos vetë Roben”, ka thënë ai.
Kapiteni i Francës, Patris Evra, ka deklaruar se dikush është duke tentuar të shkatërrojë shpirtin e skuadrës në Botërorin e Afriksë s Jugut."Problemi i Francës nuk është Anelka, por tradhtari është një nga ne. Ne duhet ta eliminojmë tradhtarin nga grupi, sepse ai dëshiron ta lëndojë skuadrën. Nuk ekziston një mi i vogël në dhomat e zhveshjes, kjo vjen nga dikush që është në ekip dhe që dëshiron ta lëndojë skuadrën. Ne nuk do të gënjejmë, këtë nuk e bëri gazetari i ‘L’Equipe’-s. Nuk di kush është ky person për të cilin fola, sepse nuk jam magjistar”, ka theksuar Evra.Francës i duhet fitorja në duel me Afrikën e Jugut, por njëherësh duhet të shpresojë që ndeshja Uruguai-Meksikë të mos mbyllet në barazim.
Italia zhgënjeu kundër Zelandës së Re, duke e mbyllur takimin në barazim 1-1 dhe rrezikon kalimin në grup. "Bëmë shumë pak nga gjërat që dimë të bëjmë”, – tha trajneri Marçelo Lipi pas ndeshjes."Zelanda e Re kaloi në avantazh në rastin e parë që iu paraqit. Na mungoi qartësia, por dhe fati."Ishte një ndeshje që duhet ta fitonim dhe nuk bëmë gjëra të mëdha”.Mungesa e Andrea Pirlo u ndje shumë."Ai është një lojtar i madh dhe do të na jepte një dorë, por nuk është akoma gati. Nuk jam i penduar me zgjedhjet e mia. Nuk kemi fenomene në shtëpi që mund të zgjidhnin problemet që patëm sot nuk ishin”.
Pothuajse të kualifikuar për një të tetat e finaleve pas dy sukseseve në dy ndeshje, Argjentina mund të paraqitet me një formacion të ndryshuar në përballjen me Greqinë (të martën). Trajneri Diego Armando Maradona ka bërë shtatë ndryshime në stërvitje në raport me ekipin që luajti kundër Koresë së Jugut. Në sulm priten të luajnë Diego Milito dhe Sergio Aguerro, të mbështetur nga Lionel Mesi.Aguero: "Leo dhe unë njihemi prej kohësh, ne kemi luajtur sëbashku disa në ndeshje në vitin 2005. Kuptohemi mirë. Gjatë stërvitjes, Diego më tha se do të më rreshtojë me Mesin”.
Në prag të ndeshjes kundër Hondurasit (të hënën), një takim shumë i rëndësishëm për Spanjën, trajneri iberik bëri të ditur se Andres Iniesta ka probleme për shkak të një dëmtimi në kofshën e djathtë."Të gjithë janë gati për të luajtur përveç Iniestës. Ai vuan nga një dëmtim në kofshë,nga një goditje që mori kundër Zvicrës”, – shpjegoi trajneri i përfaqësueses, Del Boske.
Raporti mes Fabio Kapelos dhe Federatës Angleze duket se ka pësuar krisjen e parë pas dy barazimeve të arritura nga kombëtarja e "Tre Luanëve" ndaj SHBA-së dhe Algjerisë. Anglezët janë të detyruar të mundin Slloveninë në ndeshjen e fundit për të kaluar grupin, ndërkohë që Kapelo i ka rrëfyer një miku të tij se do të japë dorëheqjen nëse skuadra nuk kualifikohet. Pavarësisht se pak ditë para startit të Kupës së Botës italiani rinovoi kontratën deri në vitin 2012, një eliminim i mundshëm i Anglisë do të bënte që largimi i tij të ishte i parakohshëm.
Mesfushori shqiptar, Valon Behrami, do të jetë i gatshëm për ndeshjen e xhiros së dytë të grupit H, që Përfaqësuesja e Zvicrës e luan kundër Kilit. Këtë e ka bërë të ditur të shtunën në një konferencë për shtyp përzgjedhësi i "helvetikëve", Ottmar Hitzfeld. Ndeshja mes Kilit dhe Zvicrës luhet të hënën në stadiumin "Nelson Mandela Bay" në Porth Elizabeth. Behrami 25-vjeçar së bashku me kapitenin Alexander Frei munguan në duelin e parë kundër Spanjës, të cilin zviceranët e fituan me rezultat 1:0.
